Kryetar i Forumit Rinor të Partisë Demokratike është zgjedhur Besart Xhaferri. Xhaferri ka arritur të sigurojë shumicën e votave. Ai grumbulloi 5256 vota, i ndjekur nga Mariglend Doçi me 1292 vota.
Në 62 qendrat e votimit në të gjithë vendin kanë votuar 9470 votues, ose 55% e anëtarësisë së FRPD. Në garë për të marrë drejtimin e Forumit Rinor të PD-së ishin 6 persona: Alesia Balliu, Arnold Karriqi, Artion Bajramaj, Barbara Doda, Besard Xhaferri dhe Mariglend Doçi.
Konkretisht kandidatët kanë marrë:
Besart Xhaferri – 5256 vota
Mariglend Doçi – 1292 vota
Artjon Bajramaj – 528 vota
Barbara Doda – 452 vota
Alesia Balliu – 186 vota
Arnold Kariqi – 168 vota
Deri më sot FRPD drejtohej nga Belind Këlliçi, ndërsa zgjedhje në këtë strukturë janë mbajtur për herë të fundit në dhjetor 2015. Ditën e djeshme, kryetari i Partisë Demokratike, Sali Berisha u shpreh se procesi i zgjedhjeve në FRPD ka një rëndësi të madhe për këtë forcë politike.