Deputeti Edi Paloka, ish-kryetar i Këshillit Kombëtar të PD-së, u shkarkua nga Lulzim Basha pasi iu bashkua lëvizjes së Sali Berishës.
Ai u zgjodh nga Berisha anëtar i Komisionit të Rithemelimit.
Por duket se Paloka po tërhiqet nga mbështetja për ish-kryeministrin non grata.
I ftuar në emisionin “Kjo Javë”, Paloka nuk reshti duke akuzuar Lulzim Bashën, por edhe eksponentë të tjerë të PD-së që i kanë kthyer krahët Sali Berishës.
Por një fjali e tij në fund ishte më e fortë se sukmet kundër Bashës.
Deputeti demokrat tha se për shkak të përgjegjësive që ndjen për situatën që ndodhet PD-ja sot, nuk mund të angazhohet më shumë me Komisionin e Rithemelimit.
“Nuk mund të angazhohem më shumë me Komisionin e Rithemelimit. Jam përgjegjës i kësaj situate të rëndë që ndodhet PD-ja” tha Paloka.
A do të thotë kjo tërheqje përfundimtare nga grupi i Berishës? Fjalia duket e qartë.
Më herët ishte Evi Kokalari që shpalli tërheqjen që një ditë më pas e anulloi, por që gjithsesi nuk shihet më në qarkullim.