...Policia kufitare në Kakavijë ka arrestuar një 45-vjeçar, pasi gjatë kontrollit në automjetin tij u gjet 278 gramë heroinë.
I arrestuari është identifikuar me inicialet S.Q. banues në Fier. Sipas policisë, i arrestuari po udhëtonte me makinën e tij tip “Benz” në drejtim të Greqisë.
Ai është kaluar në vijën e dytë për kontroll më të imtësishëm ku policia i ka gjetur të fshehur në makinë një pako me heroinë.
Materialet i kaluan Prokurorisë Pranë Gjykatës së Shkallës së Parë Gjirokastër për veprën penale “Trafikim i lëndëve narkotike”.
