Pas dy humbjeve radhazi (nga Udinese dhe Roma), Interi është rikthyer te fitorja në Serie A.
Në ndeshjen e vlefshme për javën e nëntë, skuadra e drejtuar nga Simone Inzaghi fitoi në udhëtim te Sassuolo.
Ndeshja e zhvilluar këtë të shtunë, në “Mapei Stadium”, përfundoi me rezultatin 1:2.
Më meritori në fitoren e “Nerazzurrëve” ishte Edin Dzeko, i cili shënoi të dy golat e fitores, në minutat 44 dhe 75.
Ndërkaq, golin e vetëm për vendasit e shënoi Davide Frattesi, në minutën e 60-të.
